Mandok Hata:Tulang Sijalo Tintin Marangkup

#TULANG_TINTIN_MARAKKUPA

Pakpahan Sandeliver 

RAJA PARHATA BATAK SE

INDONESIA

= Mandok Hata:

Tulang Sijalo Tintin Marangkup

Mauliate Ma Di TuhanTa Mauliate Ma Nang Di Hita Saluhutna

#Tulang_Mandok_Hata:

Horas Ma Di Hamu Appara Sidoli, Anggi Parhundul Nami:

Dison Nungga Dipasahat Hamu Tu Hami Jambar Tintin Marangkup Marhite Sinamot Ni Borutta On. Napatuduhon Na Sisada Boru Ma Hita Di Borutta On. Hombar Tu Tuhut Adat Napinukka Ni Omputta Sijolo-jolo Tubu i Mauliate Ma Dihamu Nungga Tung Las Roha Nami.

Asa Dohonon Nami Ma Songon Nidok Ni Situatua: Bagot Namarhalto Na Tubu Di Robean, Horas Ma Hami Namajalo Tubu Ma Sikkat Na Dihamu Namangalean.

Hombar Tusi.. Appara Sidoli

Marhite Ulaonta Sadarion: Sisada Tangiang, Sisada Pangidoan Ma Hita Tu TuhanTa Padenggan Basa i, Asa Anggiat Dipasupasu Tuhan Ta Parrumatanggaon Ni Borutta On, Situbuan Anak Dohot Boru Jala Horas - Horas.

Ido Tutu Appara Sidoli;

Molo Adong Ulaon Namarragam i, Di Nasida Tu Joloan On, Satahi Saoloan Jala Sauduran Ma Hita Mangoloi Nasida. Molo Hami Dijolo Hamu Ma Dipudi Nami.

Molo Hamu Dijolo Mangihut Ma Hami Dipudi mu.

Asa Dohonon Nami Ma Songon Nidok Ni Situatua: Aritta ma Gabe

Asa Balittang Ma Pagabe Tumundakhon Sitadoan,

Ala Takkas Do Hita Masipaolooloan.

Onpe Appara Sidoli...:

Bulung Namartampuk

Tu Bulung Ni Simarlasuna, Nunga Hujalo Hami Jambar Tintin

Marangkup

Dohonon Ma Hata Pasu pasuna.

Di Hamu Na-2 Pengantin

Berekku Dohot Borukku:

Parjolo Dohonon Nami Selamat Berbahagia Ma Dihamu Na-2. Sai Dipasupasu Tuhan Ma Parsaripeon Muna Situbuan Anak Dohot Boru. Jala Gabe Keluarga Sitiruon, Keluarga Namambaen Las Roha Ni Sude Keluarga Jala Keluarga Namambaen Sangap Di Goar Ni TuhanTa.

Onpe Di Ho Bere:

Didok Situatua...

Hotpe Jabu i Hot Doi Margulanggulang, Manang Boru Nise pe Dialap Bere I Na Hot Doi Boru Ni Tulang. Jadi Sidohonon Ni Tulang Tu Ho Bere, Borukku Doon...Nanialapmon. Haholongi Ma Ibana Sian Nasa Roham. Satahi Jala Saoloan Ma Hamu Jala Marsianjuajuan.

Onpe Di Ho Boru:

Borukku Do Ho, Molo Dijalo Nami Boru Nami Situtu Do Ho, Alani Las Ma Roham. Molo Adong Nahurang Lobih Pambaen Ni Berekhon Di Rumatangga Muna Sogot, Parjolo Ma Tu Hami Ho Ro, Asa Hupasingot Hami Bere Nami, Unang Ittor Tu Natuatuam Ho Mangalualu Ate. Jadi Ikhon Pos Do Rohan Tu Hami.

Dohonon Nami Ma Hata Ni Situatua: Napuran Ni Parsoburan Tu Gambir Ni Sitapongan, Sai Tongtong Ma Hamu Sauduran Jala Hot Ma Hamu Marsihahaholongan.

Songon Ima Jolo Sahat Ni Hata, Sian Hami, Annon Pe Muse Hupasikkop Hami Pasahathon Hata Pasupasuan Di Tikki Na Pasahat Ulos Hami.

Sahat Sahat Ni Solu.

Dst...

EMMA TUTU AAA

Sai Anggiat Ma Bermamfaat S.Pakpahahan/ Br. Siregar

#TintinMarakkup #PestaUnjuk

#MandokHata #Simulasi

#

Edukasi Adat Batak

#

TULANG SIHATIMAR